Google yangi kvant chipini taqdim etdi
eʼlon qilindi
Tijorat uchun mo‘ljallangan versiyasi 2030-yilda taqdim etiladi
Google «Willow» deb nomlangan kvant chipini taqdim etdi. Bu haqda BBC axborot agentligi ma’lum qildi.
Unga ko‘ra, ushbu texnologiya besh daqiqada superkompyuter milliard yillar davomida hal qiladigan masalalarni yechishga qodir. Chip yirik kvant kompyuterlari yaratish yo‘lida katta yutuq sifatida baholanmoqda. Biroq tijorat uchun mo‘ljallangan versiyalari faqat 2030-yilda paydo bo‘lishi kutilmoqda.
Eslatib o‘tamiz, avvalroq Google Chrome mustaqil kompaniya sifatida ajralib chiqishi mumkinligi haqida yozgan edik.
