Centrum Air samolyoti aeroportdagi qor tozalash ishlari tufayli Namanganga qo‘na olmadi
eʼlon qilindi
Samolyot Farg‘onaga yo‘l olgan
Madinadan Namanganga uchayotgan Centrum Air aviakompaniyasining C63338 reysi shahar aeroportiga qo‘na olmadi. Bu haqda Tashkent Sky News Telegram-kanali xabar berdi.
Unga ko‘ra, hodisaga uchish-qo‘nish yo‘lagidagi qor tozalash ishlari sabab bo‘lgan. Shundan so‘ng samolyot ekipaji Farg‘onadagi aerodromga jo‘nab ketishga qaror qildi.
Eslatib o‘tamiz, bugun O‘zbekistonda havo harorati -5° gacha tushadi.
Kursiv Uzbekistan nashrining yozishicha, bundan bir kun avval, 15 dekabr kuni Samarqanddagi noqulay ob-havo sharoiti tufayli Ural Airlinesning ikkita samolyoti Toshkentga qo‘ngan.
