Bugun, 17-dekabr kuni soat 13:43 da Fargʻona shahar Yangiyoʻl mahallasida joylashgan avtomobillarga yonilgʻi quyish shoxobchasida chaqnash yuz berib, yongʻin sodir boʻldi.
Ma’lum qilinishicha, hodisa suyultirilgan gaz toʻkish vaqtida texnologik jarayonlar buzilishi va texnika xavfsizligi qoidalariga rioya qilmaslik oqibatida kelib chiqqan.
Yongʻin-qutqaruvchilar voqea joyiga 13:47 da yetib kelib, yongʻinni 14:12 da toʻliq oʻchirgan. Yuzaga kelgan yongʻin natijasida bir fuqaro halok boʻldi, toʻrt kishi jarohatlandi. Shuningdek, sakkiz nafar fuqaro tibbiyot xodimlari nazoratida qolmoqda.
Avvalroq Kursiv Uzbekistan Toshkentdagi Miran International mehmonxonasida yongʻin kelib chiqqani haqida xabar bergan edi.
