London G‘arbiy Yevropaning eng baland binosini qurishga tayyorlanmoqda

London shahrining City of London hududi 73 qavatli yangi osmono‘par minoraning qurilishi uchun ruxsat berdi. Bu haqda CNN axborot agentligi ma’lum qildi.

Unga ko‘ra, ushbu minoraning balandligi Londondagi Shard minorasi bilan teng bo‘lib, u G‘arbiy Yevropaning eng baland binosi bo‘ladi. Loyiha pandemiya davridan keyingi ofis ehtiyojlariga moslashtirilgan. Qurilishdan oldin mavjud kichikroq bino buzilishiga to‘g‘ri keldi.

Loyiha 1 Undershaft nomi bilan tanilgan va 309.6 metr balandlikda qurilishi rejalashtirilgan. Bino 154,156 kvadrat metr ofis maydoni va jamoatchilikka ochiq bog‘ni o‘z ichiga oladi. Shuningdek, 72 va 73-qavatlarda bolalar ta’limi uchun moslashgan bo‘ladi.

Londonning ofis bozori pandemiya tufayli qiyin davrni boshdan kechirishiga qaramay premium ofis maydonlari talabga ega. Yangi minoraning qurilishi global investorlarning London ko‘chmas mulk bozoriga bo‘lgan ishonchini tasdiqlaydi, deb ta’kidladi shahar rejalashtiruvchilari.

Eslatib o‘tamiz, avvalroq dunyodagi eng noodatiy 10 ta bino haqida maxsus maqola yozgan edik.