Internet tarmoqlarida yangi Nintendo Switch 2 konsoli qizg‘in muhokama qilinmoqda. So‘nggi kunlarda uning dizayni haqida bir nechta taxminiy ma’lumotlar paydo bo‘ldi. The Verge nashri Xitoyning aksessuarlar ishlab chiqaruvchisiga asoslanib bu xabarni tarqatdi.
Dbrand e’lon qilgan renderga ko‘ra, yangi konsol avvalgi modellardan biroz kattaroq bo‘ladi. U sakkiz dyuymli ekran bilan jihozlanadi va Joy-Con kontrollerlari magnit yordamida korpusga ulanadi.
Shuningdek, o‘ng kontrollerda Home tugmasi ostida qo‘shimcha noma’lum tugma ham paydo bo‘ladi.
Konsolning o‘lchamlari: eni — 270 mm, uzunligi — 116 mm, qalinligi esa 14 mm atrofida bo‘ladi. Konsol ekrani LCD yoki OLED texnologiyasiga asoslangan bo‘lishi hozircha aniq emas. Biroq The Verge yangi o‘yin qurilmasi 2025-yil apreligacha taqdim etilishini taxmin qilmoqda.
Avvalroq Kursiv Uzbekistan Galaxy S25 Ultra smartfoni 16 GB operativ xotiraga ega bo‘lishi haqida xabar bergan edi.
