O‘zbekistondagi AES loyihasiga Rosatom’dan tashqari xorijiy kompaniyalar ham jalb etiladi
Jizzax viloyatida kichik AES qurilishiga turli mamlakatlardan kompaniyalar jalb etiladi, dedi O‘zbekiston atom energetikasini rivojlantirish agentligi direktori Azim Axmedxadjayev «Report»ga bergan intervyusida.
Bosh pudratchi Rossiyaning «Rosatom» davlat korporatsiyasi bo‘ladi. Ishlarning bir qismi O‘zbekiston kompaniyalari tomonidan bajariladi. Biroq AES qurilishi faqat Rossiya-O‘zbekiston loyihasi emas.
Boshqa mamlakatlarning kompaniyalari infratuzilma, mashina stansiyalari va xizmat ko‘rsatish obyektlari qurilishi bilan shug‘ullanishi mumkin, dedi Axmedxadjayev.
Uning so‘zlariga ko‘ra, bosh pudratchini tanlashda ekspertlar siyosiy mulohazalarga emas, balki sifat va xavfsizlik mezoniga amal qilgan. «Rosatom» kichik AESlar uchun eng yaxshi yechimlarni taklif qildi va yetarli tajribani namoyish etdi.
O‘zbekiston va Rossiya davlat korporatsiyasi Rossiya Federatsiyasi va uning atom sanoatiga qarshi xalqaro sanksiyalar tufayli yuzaga kelgan qiyinchiliklarga qaramay, barcha kelishuvlarni bajaradi.
Shu bilan birga, Oʻzbekiston boshqa mamlakatlar kompaniyalari bilan hamkorlik qilishdan voz kechmaydi. Atom energetikasi agentliklari Yaponiya, AQSh va Janubiy Koreyada yadro texnologiyalari rivojini kuzatib bormoqda. AES qurilishini xalqaro loyihaga aylantirish va pudratchilarni diversifikatsiya qilishga tayyor.
Avvalroq Kursiv Uzbekistan Oʻzbekistonda kam quvvatli AES loyihasi qurilish ishlari «start» olganini yozgan edi.
