Yilning eng yaxshi PlayStation loyihalari uchun ovoz berishda butun dunyodan 1,6 million o‘yinchi ishtirok etdi, deb xabar berdi Sony.
2024-yilning eng yaxshi PlayStation 5 oʻyini sifatida geymerlar Yaponiyaning Team Asobi studiyasi tomonidan yaratilgan Astro Bot oʻyinini tanlashdi.
Shuningdek, eng yaxshi badiiy sahnalashtirish, eng yaxshi audio dizayn uchun mukofotga sazovor bo‘ldi.
O‘yinchilarga Astro Bot o‘yinining xilma-xilligi yoqdi – o‘yin 80 dan ortiq bosqichdan iborat. Bundan tashqari, Astro Bot personajlari PlayStationʻning eng mashhur oʻyinlari va franshizalari, jumladan, Horizon va God of Warʻga havola qiladi.
PlayStation 4 platformasining eng yaxshi oʻyini sifatida foydalanuvchilar Treyarch va Raven Software studiyalari tomonidan yaratilgan Call of Duty: Black Ops 6 oʻyinini tanlashdi. Mashhur shuterning yigirma birinchi qismi oʻyinchilarni kutilmaganda qiziqarli va mantiqiy syujet bilan xursand qildi.
Mutaxassislarning fikriga ko‘ra, «Call of Duty»ning yangi qismi harbiy epikdan ko‘ra ko‘proq josuslik trilleriga o‘xshadi. Bu oʻyinning sifatiga ijobiy ta’sir koʻrsatgan.
Avvalroq Kursiv Uzbekistan qanday o‘yin va ilovalar App Store Awards 2024 mukofotini qo‘lga kiritgani haqida yozgan edi.
