O‘zbekiston Janubiy va Markaziy Osiyoda sun’iy intellektga tayyorgarlik bo‘yicha uchlikda

O‘zbekiston 53,45 ball bilan sun’iy intellektga tayyorgarlik bo‘yicha jahon reytingida 70-o‘rinni egalladi. Bu haqda Oxford Insights ma’lum qildi.

Unga ko‘ra, bu mamlakatni Janubiy va Markaziy Osiyoda yetakchilar qatoriga kiritadi, O‘zbekiston uchlikda Hindiston va Turkiyadan keyin uchinchi o‘rinni egallaydi. Hindiston 62,81 ball bilan dunyoda 46-o‘rinni, Turkiya esa 60,63 ball bilan 53-o‘rinni egallagan.

Shuningdek, mintaqaning muvaffaqiyatli davlatlari sifatida Armaniston va Butan ham kiritilgan. 2024 yilgi hukumatlar reytingi bo‘yicha Janubiy va Markaziy Osiyo 8-o‘rinni egalladi, bu mintaqadagi davlatlarning sun’iy intellekt texnologiyalarini rivojlantirish va davlat boshqaruvida yuqori yutuqlarga erishganini ko‘rsatadi.

Mutaxassislar, mintaqa davlatlari hukumat komponenti bo‘yicha yuqori natijalar ko‘rsatishini ta’kidlamoqda. Buning sababi, sun’iy intellekt tizimlarini ishlab chiqish va boshqarish bo‘yicha faol chora-tadbirlarning olib borilayotganidadir. Biroq, boshqaruv va etika sohasida muammolar mavjud: bu boradagi o‘rtacha ball 47,9 ni tashkil etadi, bu esa jahon o‘rtacha ko‘rsatkichidan (62,1) ancha past.

Eng katta farq ma’lumotlar va infratuzilma sohasida kuzatilmoqda. Mintaqadagi o‘rtacha ko‘rsatkich 52,3 ni tashkil etadi, bu jahon darajasidan (64,9) deyarli 13 ball pastdir. Bu, sun’iy intellektni turli sohalarda muvaffaqiyatli joriy qilish uchun infratuzilmani yaxshilash zarurligini ko‘rsatadi.

Shunday qilib, O‘zbekiston va mintaqa boshqa davlatlari sun’iy intellekt sohasidagi imkoniyatlarini rivojlantirishda faol davom etmoqda, qiyinchiliklarni yengib, xalqaro maydonda o‘z o‘rinlarini mustahkamlamoqda.

Eslatib o‘tamiz, avvalroq OpenAI rahbari kontent mualliflariga sun’iy intellektni o‘rgatish uchun to‘lov qilishi haqida yozgan edik.