Toshkent metropoliteni ilk marotaba 31-dekabr tonggi 05:00 dan 1-yanvar tungi soat 02:00 gacha yoʻlovchilarga xizmat koʻrsatadi. Bu haqda metropoliten axborot xizmati xabar berdi.
«Shu kuni metro bekatlari ish vaqti odatdagidan 2 soatga uzaytiriladi. Shuningdek, qoʻshimcha dam olish kunlarida metro poyezdlarining harakat jadvali yuzasidan rejaviy ishlar amalga oshirilmoqda», – deyiladi xabarda.
Eslatib oʻtamiz, Toshkent metropoliteni ilk bor bir kunda million aholiga xizmat koʻrsatdi.
Avvalroq Kursiv Uzbekistan Toshkent metrosi uchun 20 dan ortiq poyezdlar sotib olingani haqida xabar bergan edi.
