Foto: Pexels.com
Ayrim maktab xodimlarining bazaviy tarif stavkasiga ustamalar toʻlash takomillashtiriladi. Bu haqda prezident Shavkat Mirziyoyevning tegishli farmoni qabul qilindi.
Ma’lum qilinishicha, farmon yoshlar siyosati va sport sohasidagi islohotlarni yanada takomillashtirishga qaratilgan. Endi sport maktablari xodimlarining bazaviy tarif stavkasiga ustamalar to‘lash tartibi takomillashadi.
Bu o‘zgartirish xodimlarning ish sharoitlarini yaxshilashga xizmat qiladi. Shuningdek, sport maydonchalari quriladigan mahallalarni ovoz berish orqali aniqlash yo‘lga qo‘yiladi. Bu jarayonda aholining faol ishtiroki ta’minlanadi.
Sport maydonchalarini barpo etish va davlat ro‘yxatidan o‘tkazish tartibi soddalashtiriladi. Yangi tizim sport infratuzilmasini tez va samarali rivojlantirish imkonini beradi. Farmon ayrim eskirgan normalarni olib tashlashga qaratilgan. Bu esa qonunchilikda huquqiy bo‘shliqlarni bartaraf etishga yordam beradi.
Avvalroq Kursiv Uzbekistan mamlakatda 2025-yildan maktablarda darsliklar ijarasi bepul bo‘lishi haqida xabar bergan edi.
