Redmi Turbo 4: Yuqori tezlik, kuchli quvvat va noodatiy dizayn

Redmi o‘zining yangi subflagman modeli Turbo 4 haqida ma’lumot berdi. Bu haqda Redmi kompaniyasi ma’lum qildi.

Unga ko‘ra, smartfon 2-yanvar kuni taqdim etiladi va u bir nechta qiziqarli xususiyatlari bilan ajralib turadi.

Redmi Turbo 4 6500 mA/soat sig‘imli akkumulyator, 90 Vt tezkor quvvatlash, 1.5K ekran va IP68 himoya darajasiga ega bo‘ladi. U Dimensity 8400-Ultra chipida ishlaydi va Geekbench testida 6056 ball bilan yuqori ishlash darajasini namoyish etadi.

Smartfonning kamerasi LED yoritqich bilan jihozlangan bo‘lib, u xabarlarni ko‘rsatish, zaryad holatini bildirish yoki musiqa ritmiga mos ravishda yonib turish kabi funksiyalarni bajara oladi.

Redmi Turbo 4 nafaqat texnik jihatdan, balki dizayn va funksionalligi bilan ham foydalanuvchilarni hayratga solishi kutilmoqda.

Eslatib o‘tamiz, avvalroq Apple’ning buklanuvchi smartfon 2026-yilda bozorni zabt etishi mumkinligi haqida yozgan edik.