Benzin narxi 1250 so‘mga ko‘tarildi

Yangi yilning birinchi kunidan AI-80 markali benzin narxi 18 foizga oshdi. Bu haqda Autostrada nashri ma’lum qildi.

Unga ko‘ra, endi Carvon (sobiq UNG) yoqilg‘i quyish shoxobchalarida AI-80 benzini 8150 so‘mdan sotilmoqda. Boshqa shoxobchalarda AI-80 narxi hozircha o‘zgarmay 8400 – 9000 so‘m oralig‘ida qolmoqda.

AI-92 benzini Carvon shoxobchalarida 10 700 so‘m, boshqa joylarda 10 500 – 13 300 so‘m, AI-95 esa Carvon shoxobchalarida 12 800 so‘m, boshqa joylarda 12 500 – 15 300 so‘mni tashkil etmoqda. Ayrim shoxobchalarda AI-100 narxi 19 000 so‘mgacha yetgan, dizel yoqilg‘isi esa Carvon shoxobchalarida 12 500 so‘mdan sotilmoqda.

Eslatib o‘tamiz, avvalroq Qirgʻiziston Oʻzbekistonga benzin eksportini 95 foizga oshirgani haqida yozgan edik.