Qaysi tarmoqlarda soliq stavkalari oʻzgartirildi

Beshinchi toifaga kiritilgan tumanlarda faoliyat yuritayotgan tadbirkorlar uchun soliq stavkalari oʻzgartirildi. Bu haqda prezidentning ayrim farmonlariga oʻzgartirish va qoʻshimchalar kiritish toʻgʻrisida farmoni qabul qilindi.

Farmonga koʻra, yuridik shaxslarning mol-mulkiga solinadigan soliq va yer soligʻi endi 50 foiz miqdorida toʻlanadi (ilgari stavka 1% edi).

Yirik soliq toʻlovchilar, doimiy muassasalar, budjet tashkilotlari, davlat korxonalari va ustav fondida davlat ulushi 50 foiz va undan ortiq boʻlgan yuridik shaxslar bundan mustasno.

Shuningdek, 2025-yildan boshlab yangi bogʻlar, tokzorlar va tutzorlar uchun yer soligʻi imtiyozi bekor qilinadi, soliq stavkasi esa 50 foizga kamaytiriladi. Shu bilan birga, 2025-yil 1-iyuldan yagona tariflar boʻyicha yoʻlovchi tashish xizmatlari uchun QQS imtiyozi bekor qilinadi.

Yangi bogʻlar tashkil etish tashabbuskorlari 2028-yil 1-yanvargacha mevali koʻchatlar va texnikalarni xorijdan import qilishda QQS va bojxona bojidan ozod etiladi.

Avvalroq Kursiv Uzbekistan elektron tijoratda 2025-yilda qanday o‘zgarishlar kutilayotgani haqida xabar bergan edi.