Kriptovalyuta orqali 34 milliard soʻm daromad qilgan buxorolik 17 yoshli yigitga nisbatan jinoiy ishi yopildi. Bu haqda sobiq deputat Rasul Kusherbayev oʻzining Telegram kanalida ma’lum qildi.
Kusherbayevning ta’kidlashicha, huquq-tartibot idoralari uning qilgan ishi ijtimoiy xavfli emasligi, aybidan pushaymonligi, oilaviy ahvoli va hokazolar inobatga olingan.
Eslatib oʻtamiz, u dekabr oyi oʻrtalarida qoʻlga olingan. Yigit Binance (Oʻzbekistonda roʻyxatdan oʻtmagan) birjasi orqali kriptovalyuta bilan noqonuniy savdo qilgan.
IIVning holatga izoh berishicha, u virtual valyutchiklik faoliyati bilan shugʻullanib kelgan va bu uchun vositachilik haqi olgan.
Avvalroq Toshkentda kriptoaktivlarning noqonuniy savdosi bilan shugʻullangan shaxs besh sutkaga qamalgan edi.
