O‘zbekistonda xususiylashtirilishi rejalashtirilgan uchta davlat banki — «Asakabank», «SQB» va «Aloqabank»ni sotish muddati 2025-yilgacha cho‘zildi. Prezident Shavkat Mirziyoyev banklarni xususiylashtirish muddatlarini uzaytiruvchi farmonni imzoladi.
Reja bo‘yicha «SQB»dagi davlat ulushi 2022-yilda sotilishi kerak edi. Ammo bu muddat bir necha marta ortga surildi va hali ham amalga oshmagan.
Markaziy bankning sobiq raisi Mamarizo Nurmurodov 2023-yil aprel oyida «Asakabank» va «SQB»ni xususiylashtirish kelishuvlari yakunlanayotganini ma’lum qilgandi. Ammo qat’iy talablar sabab bu kelishuvlar yakuniga yetmadi.
Hukumat 2024-yildan boshlab ushbu banklarning Tashkent City’dagi bosh ofislarini sotishga urinmoqda.
Avvalroq Kursiv Uzbekistan mamlakatda banklarni xususiylashtirish kechroq muddatga qoldirilishi mumkinligi haqida xabar bergan edi.
Fitch Ratings kompaniyasining vakili Pavel Kaptel bu ssenariyning sabablari haqida moliya institutlari uchun sotishdan oldingi tayyorgarlik hali ham davom etayotganini aytgan edi. Bu keng ko‘lamli jarayon. «O‘zsanoatqurilishbank» va «Asakabank» korporativ sektor va davlat kompaniyalariga kredit berishga ixtisoslashgan va hozirda ko’proq diversifikatsiyalangan modelni (KO’B va chakana savdo) qurishmoqda. Bu ikkala bankka ham vaqt talab etadi. Fitch ijobiy tendensiyalarni kuzatmoqda, KO’B va chakana savdoning ulushi o‘sib bormoqda, ammo hozircha tezlik bilan emas.
Banklarning rivojlanish imkoniyatlarini yaxshilash uchun daromadni oshirishlari kerak. Ayniqsa, chakana savdo segmentida faolroq kreditlashni rivojlantirish talab etiladi. Biroq, bunday o‘sish uchun yetarli kapital zarur bo‘ladi.
