«Oltin Globus» mukofotlari g‘oliblari e’lon qilindi

Kaliforniyada bo‘lib o‘tgan «Oltin Globus» taqdirlash marosimida yirik sovrinlar o‘z egalarini topdi. Bu haqda Reuters axborot agentligi ma’lum qildi.

Unga ko‘ra, «Brutalist» filmi eng yaxshi drama deb topildi, bosh rol ijrochisi Adrien Brodi esa eng yaxshi drama aktyori unvoniga sazovor bo‘ldi.

«Emilia Perez» musiqiy yoki komediya yo‘nalishida eng yaxshi film bo‘ldi va jami to‘rtta mukofot oldi.

Demi Mur «The Substance» filmidagi roli uchun kutilmagan tarzda «Eng yaxshi musiqiy yoki komediya aktrisasi» deb topildi. Televizion bo‘limda «Hacks» eng yaxshi komediya seriali, «Baby Reindeer» eng yaxshi cheklangan serial va «Shogun» eng yaxshi drama seriali deb topildi.

Eslatib o‘tamiz, 2024-yilgi «Oskar» mukofotining g‘oliblari e’lon qilingani haqida ham yozgan edik.