Hukumatning 2025-yil 6-yanvardagi qarori bilan «Portlash xavfi boʻlgan muhitlarda ishlatiladigan asbob-uskunalar xavfsizligi toʻgʻrisida texnik reglament» tasdiqlandi.
Ushbu reglament inson hayoti, mol-mulk va atrof-muhitni muhofaza qilish hamda iste’molchilarni chalgʻituvchi xatti-harakatlarning oldini olish maqsadida ishlab chiqilgan.
Texnik reglament talablari portlash xavfi boʻlgan muhitlarda ishlatiladigan asbob-uskunalarning belgilangan roʻyxatiga tatbiq etiladi. Asbob-uskunalar quyidagi xavfsizlik talablariga javob berishi kerak:
- Yonuvchi moddalar chiqishi natijasida portlash muhitining hosil boʻlishiga yoʻl qoʻymaslik;
- Portlash manbalari xususiyatlarini hisobga olgan holda alangalanish xavfini oldindan bartaraf etish;
- Portlash xavfi boʻyicha xavfsizlik koʻrsatkichlari tasnifiga muvofiq boʻlish.
Ma’lumot uchun, texnik reglament rasmiy e’lon qilingan sanadan boshlab 6 oy oʻtgach kuchga kiradi.
Avvalroq «Kursiv» Oʻzbekistonda «Davlat sirlari toʻgʻrisida»gi Qonun qabul qilingani haqida xabar berdi.
