Prezident Shavkat Mirziyoyev 2025-yilda transport xizmatlari eksportini $3 milliardga yetkazish boʻyicha topshiriq berdi. Bu haqda davlat rahbari matbuot xizmati xabar berdi.
Mazkur tashabbus mamlakatda transport va logistikani rivojlantirish masalalariga bagʻishlangan yigʻilishda bildirildi.
Bundan tashqari, Oʻzbekistonning mahalliy ekspeditorlari xalqaro tashish xizmatlari uchun QQS toʻlashdan ozod qilinadi. Ushbu tashabbus mahalliy kompaniyalarning ushbu sohadagi ulushini 45–50 foizgacha oshirish imkonini beradi.
Davlat rahbari xalqaro yuk tashish hajmini ikki baravarga oshirishni ham taʼkidladi.
Shuningdek, xorijiy yuk oqimini koʻpaytirish uchun elektron navbat tizimi joriy etiladi, chegaradan oʻtish vaqti esa 20 daqiqagacha qisqartiriladi. Transportning onlayn monitoringini joriy etish rejalashtirilmoqda.
Avvalroq Kursiv Uzbekistan Oʻmon tajribasidan Oʻzbekistonning logistika sohasini rivojlantirishda foydalanayotgani haqida yozgan edi.
