Chess.com portali hisob-kitoblariga ko‘ra, o‘zbekistonlik shaxmatchi Nodirbek Abdusattorov 2024-yilda turnirlardan $132,9 mingdan ortiq daromad olgan.
Mamlakatimiz vakili dunyoning eng ko‘p maosh oluvchi 17 nafar shaxmatchisi ro‘yxatida 12-o‘rinni egalladi.
O‘zbekiston shaxmatchilari o‘rtasida Abdusattorov birinchi o‘rinni egallab turibdi. FIDE global reytingida faol o‘yinchilar orasida oltinchi o‘rin. O‘zbekistonlik grossmeyster maqomini 2018-yilda olgan.
Hindiston vakili Gukesh Dommaraju 2024-yilgi turnirlarda eng ko‘p daromad olgan – $1,5 mlndan ortiqroq, keyingi o‘rinlarda xitoylik Din Liren va asli eronlik fransiyalik shaxmatchi Aliriza Firuzja mos ravishda $1,1 mln va $639,1 ming.
O‘z chiqishlari uchun rossiyalik Volodar Murzin va polyak Yan-Kshishtof Duda eng kam mukofot oldi – mos ravishda $118,7 ming va $105,8 ming.
Avvalroq Kursiv Uzbekistan besh nafar shaxmatchimiz yangilangan FIDE «TOP – 100» reytingidan o‘rin olgani haqida xabar bergan edi.
