Amerika Qo‘shma Shtatlari (AQSh) prezidenti Jo Bayden xalq bilan xayrlashuv nutqi bilan chiqdi. Eshittirish Oq uyning Youtube kanalida olib borildi.
U hokimiyatning yangi davlat rahbari – Donald Trampga o‘tkazilishini e’lon qildi.
Ushbu nutqida Bayden bir nechta xayrlashish takliflarini bildirdi. Shu tariqa u konstitutsiyaga davlat rahbarini o‘z vakolati davrida sodir etgan jinoyatlari uchun javobgarlikka tortish imkonini beruvchi o‘zgartishlar kiritish zarurligini bildirdi.
Siyosatchi, shuningdek, milliarderlarga katta imtiyozlar bermaslik va Kongress a’zolariga aksiyalarni sotishni taqiqlash uchun soliq kodeksini o‘zgartirishni taklif qildi.
So‘nggi soatlarda ma’lum bo‘lgan Isroil va Falastinning HAMAS guruhi o‘rtasidagi kelishuv haqida so‘z yuritildi. Baydenning aytishicha, kelishuv uning ma’muriyati tomonidan sakkiz oylik muzokaralar natijasida erishilgan.
Avvalroq Kursiv Uzbekistan Isroil va HAMAS o‘t ochishni to‘xtatishga kelishib olgani haqida xabar bergan edi.
