O‘zbekistondagi belgilar, e’lonlar va ko‘rsatmalar o‘zbek tilida bo‘lishi shart. Bu mamlakatda tilga boʻlgan munosabatni oʻzgartirish uchun zarur, dedi «Milliy tiklanish» partiyasi yetakchisi Alisher Qodirov.
«Toshkentdan boshlab barcha shaharlarimizda tashqi ko‘rinishdagi lavhalar, e’lon va ko‘rsatmalar boshqa tillarda, hatto boshqa alifbolarda ham yozilgani achinarli! Oʻzbekistonda barcha tashqi belgilar, e’lon va koʻrsatmalar oʻzbek tilida boʻlishi shart», – deb yozdi Qodirov oʻzining Telegram-kanalida.
Siyosatchining qoʻshimcha qilishicha, «zarurat tugʻilganda» belgilardagi yozuvlarni boshqa tillarda takrorlash mumkin. Qodirovning fikricha, mamlakatda o‘zbek tiliga munosabat tubdan o‘zgarishi, uni «asosiy qadriyat» sifatida qabul qilish kerak.
«Milliy tiklanish» mazkur muammoga bag‘ishlangan qonun loyihasi ustida ish boshladi. Qodirov rus tilini himoya qilish bo‘yicha bir qancha qonunlarni qabul qilgan Rossiya Davlat Dumasi tajribasiga e’tibor qaratishni taklif qildi.
Avvalroq Kursiv Uzbekistan «Milliy tiklanish» fraksiyasi Transport vazirligiga Rossiya havo hududi xavfsizligi boʻyicha soʻrov yuborgani haqida xabar bergan edi.
