So‘nggi kunlarda Telegram va Instagram tarmoqlarida tarqatilayotgan «11% yillik stavka bilan 200 million so‘mgacha kredit tasdiqlaymiz» mazmunidagi xabarlar mutlaqo yolg‘on va haqiqatga mos kelmaydi. Ushbu xabarlar ko‘pincha turli kanal va guruhlarda fotosuratlar ko‘rinishida tarqalmoqda. Bu haqda Kiberxavfsizlik markazi ma’lum qildi.
Bu kabi e’lonlarning orqasida firibgarlar turibdi va ularning asosiy maqsadi – sizning pul mablag‘laringizni o‘zlashtirishdir.
Agar siz ham shunday holatga duch kelsangiz yoki pullaringiz talon-toroj qilingan bo‘lsa, zudlik bilan 102 yoki 1102 qisqa raqamlariga murojaat qiling.
Avvalroq Kursiv Uzbekistan shubhali ish takliflari: firibgarlar Temu nomidan daromad va’da qilishayotgani haqida xabar bergan edi.
