Anastasiya Novikova O‘zbekiston va Qozog‘istonda rahbarlik qiladi

Kursiv Uzbekistan direktori va bosh muharriri Anastasiya Novikova Qozog‘istonning Kursiv Media nashri bosh direktori bo‘ldi. Shu bilan birga, u O‘zbekiston tahririyatini boshqarishda davom etadi.

Anastasiya Novikova 2022-yildan buyon «Kursiv»ning O‘zbekistondagi sho‘ba korxonasini boshqarib keladi. Ilgari u Qozogʻistonning mashhur ommaviy axborot vositalari KTK, Southern Capital, Forbes Kazakhstan va Informburo nashrlarida masʼul lavozimlarda ishlagan.

Uning rahbarligida Kursiv Uzbekistan O‘zbekiston Respublikasidagi yetakchi biznes ommaviy axborot vositalaridan biriga aylandi. Nashr biznes, hukumat va jamoatchilik uchun bir nechta yirik tadbirlarni tashkil etish orqali mahalliy voqealar bozorida o’z nomini oldi. Eng rezonansli mukofot ketma-ket ikkinchi yil o‘tkazilayotgan «Tenglar orasida birinchi» ayollar yetakchilik mukofoti bo‘ldi.

Qozog‘istonning «Kursiv» gazetasi va veb-sayti boshqaruvini qo‘lga olgan Anastasiya Novikova tahririyat siyosatida davomiylikni saqlashni maqsad qilgan. Kursiv Media birinchi navbatda biznes nashri sifatida faoliyat yuritishda davom etadi, biroq jamoatchilik muammolarini yoritishga ko‘proq e’tibor qaratishni rejalashtirmoqda.

«So‘nggi yillarda Kursiv media bozorida o‘z mavqeini sezilarli darajada mustahkamlab, mamlakatdagi yetakchi axborot resurslaridan biriga aylandi. O‘quvchilar nashrni samaradorligi, xolisligi va yoritilgan mavzularga chuqur yondashuvi uchun yuqori baholaydi. Kursiv nafaqat o‘z veb-sayti orqali, balki ijtimoiy tarmoqlarni faol rivojlantirish orqali ham auditoriyasini kengaytirmoqda. Shuningdek, o‘tgan yildan buyon yirik biznes-forumlarni muvaffaqiyatli tashkil etib kelmoqda», — deya izoh berdi Novikova o‘z tayinlanishi haqida.