Samsung Galaxy S25 Ultra smartfonining asosiy kamerasi yordamida olingan ilk suratlar internetda paydo bo‘ldi. Ushbu suratlar smartfonning rasmiy taqdimotidan keyin chop etilib, Sammobile resursi tomonidan e’lon qilindi.
Galaxy S25 Ultra kamerasi kunduzgi suratga olishda to‘rtta modulning imkoniyatlarini ko‘rsatdi. Ular quyidagicha:
- 50 MP ultra keng burchakli ob’ektiv (0,6x),
- 200 MP asosiy ob’ektiv (1x),
- 50 MP telefoto kamera (3x va 5x),
- 10 MP telefoto kamera (10x va 30x).
Samsung ta’kidlashicha, Galaxy S25 Ultra yangi ProVisual bilan jihozlangan bo‘lib, bu suratlarda shovqinni sezilarli darajada kamaytiradi, tafsilotlarni yaxshilaydi va kengroq dinamik diapazonni taqdim etadi.
Shuningdek, kompaniya suratlarni qayta ishlashda ilg‘or Spatio Temporal Filter funksiyasidan foydalanayotganini ma’lum qildi. Ushbu texnologiya ramkadagi statsionar va harakatlanuvchi obyektlarni aniqlaydi va ularni alohida qayta ishlash orqali har ikkala obyektning ham tiniq va aniq chiqishini ta’minlaydi.
Avvalroq Kursiv Uzbekistan Samsung Galaxy S25 Ultra: yangi flagmanning afzalliklari nimada ekanligi haqida xabar bergan edi.
