Belarusda prezidentlik saylovlarida ishtirok etganlar 56,6 foizdan oshdi

26-yanvar, yakshanba kuni Belarusda prezidentlik saylovlari bo‘lib o‘tmoqda. Toshkent vaqti bilan soat 14:00 da saylovchilarning 56,64 foizi ishtirok etdi, deb xabar berdi BelTA.

Saylov ro‘yxatiga kiritilgan belarusliklarning 41,81 foizi prezidentlik saylovlarida muddatidan oldin ovoz berdi.

Respublikani 1994-yildan beri boshqarib kelayotgan Aleksandr Lukashenko o‘z nomzodini ilgari surdi. Eslatib o‘tamiz, 2021-yilda u nafaqaga chiqishga va saylovlarda qatnashmaslikka va’da bergan edi.

Uning saylovoldi poygasidagi raqiblari Anna Kanopatskaya, Sergey Sirankov va Aleksandr Xijnyakdir.

Joriy saylovda to‘ldirilgan byulletenni suratga olish yoki videoga olish, shuningdek uni ovoz berish binosidan tashqariga olib chiqish taqiqlanadi.

2020-yilgi prezidentlik saylovlari natijalari Lukashenkoning g‘alabasi tufayli Belarusda noroziliklarga sabab bo‘lgandi. Rasmiy ma’lumotlarga ko‘ra u 80,10%, Svetlana Tixanovskaya 10,12% ovoz oldi, uning shtab-kvartirasi ovoz berish natijalarini tan olmadi.

Belarus muxolifati joriy saylovlarni tan olmaydi va ularni firibgarlik deb atadi, deya xabar berdi BBC Rus xizmati.

Avvalroq Kursiv Uzbekistan mamlakat va Belarus o‘rtasidagi birja bitimlari hajmi uch barobar oshgani haqida xabar bergan edi.