27-yanvar kuni O‘zbekistonda qanday ob-havo kuzatiladi

Bugun O‘zbekistonda ob-havo sharoitlari o‘zgarib, ba’zi joylarda yog‘ingarchilik, tuman va qor ko‘chish xavfi kuzatiladi. Bu haqda «O‘zgidromet» agentligi ma’lum qildi.

Unga ko‘ra, Toshkent va Namangan viloyatlarining tog‘li hududlarida qor ko‘chish xavfi mavjud.

Respublikaning boshqa hududlarida esa havo biroz bulutli bo‘lib, yog‘ingarchilik kutilmaydi. Ayrim joylarda tuman tushishi mumkin.

Toshkent shahrida havo biroz bulutli bo‘lib, kechasi 0-2°C sovuq, kunduzi 9-11°C iliq bo‘ladi.

Qoraqalpog‘iston Respublikasi va Xorazm viloyatida tuman tushishi mumkin, harorat kechasi 5-10°C sovuq, kunduzi 0-5°C iliq.

Buxoro va Navoiy viloyatlarida havo bulutli bo‘lib, tuman tushishi ehtimoli mavjud. Harorat kechasi 0-5°C sovuq, kunduzi esa 7-12°C iliq bo‘ladi.

Toshkent, Sirdaryo, Samarqand va Jizzax viloyatlarida kechasi 3°C sovuq-2°C iliq, kunduzi esa 7-12°C iliq bo‘ladi.

Qashqadaryo va Surxondaryo viloyatlarida havo biroz bulutli bo‘lib, harorat kechasi 0-5°C iliq, kunduzi 10-15°C iliq bo‘ladi.

Andijon, Namangan va Farg‘ona viloyatlarida tuman va yog‘ingarchilik kutilmaydi, harorat kechasi 0-5°C sovuq, kunduzi 6-11°C iliq bo‘ladi.

Tog‘li hududlarda esa havo biroz bulutli bo‘lib, ayrim joylarda yog‘ingarchilik va tuman tushishi mumkin.