Qirgʻiziston – Xitoy chegarasi 29 – 31-yanvar kunlari vaqtincha yopiladi

Qirgʻizistonning Xitoy bilan chegarasidagi ikkita oʻtish punkti Xitoyda Yangi yilini nishonlash (bahor bayrami) munosabati bilan vaqtincha yopiladi. Bu haqda mamlakat Milliy xavfsizlik qoʻmitasi Chegara xizmati xabar berdi.

«Torugʻart – avtoyoʻl» va «Irkeshtom – avtoyoʻl» punktlari 29-yanvar kuni faoliyatini toʻxtatadi. 1-fevraldan avtomobillarni nazorat-oʻtkazish punkti orqali oʻtkazish qayta tiklanadi.

Ikki punkt ham Qirgʻiziston Respublikasining Oʻsh viloyatida joylashib, oʻzbekistonliklar tomonidan foydalaniladi.

Bahor kelishi Xitoydagi asosiy bayramlardan biridir. Xitoyda dam olish kunlari 28-yanvardan 4-fevralgacha davom etadi. Bu davrda aksariyat korxonalar, muassasalar va davlat organlari ishlamaydi.

Avvalroq Kursiv Uzbekistan 2024-yilda Oʻzbekiston budjetiga bojxona yigʻimlaridan tushumlar 8 foizga oshgani haqida xabar bergan edi.