Toshkentda stritbol va vorkout uchun sport maydonchalari quriladi

Toshkent shahri tumanlarida zamonaviy sport maydonchalari qurilishi boshlandi. Bu haqda Toshkent shahar hokimligi matbuot xizmati ma’lum qildi.

Loyiha prezidentning mahallalarda sportni rivojlantirish bo‘yicha qaror asosida amalga oshirilmoqda.

Toshkent shahar hokimligi ma’lumotlariga ko‘ra, loyihada stritbol va vorkout uchun maxsus jihozlangan zamonaviy sport maydonchalari barpo etilishi ko‘zda tutilgan.

Ushbu sport maydonchalari qurilishi rejalashtirilgan manzillar bilan qaror matnida tanishishingiz mumkin.

Avvalroq Kursiv Uzbekistan 2030-yilgacha 100 ta «Yangi O‘zbekiston» massivi qurilishi haqida xabar bergan edi.