Alibaba chorshanba kuni yangi AI modelini taqdim etdi. Qwen 2.5-Max DeepSeek-V3 dan o‘zib ketdi. Bu versiya GPT-4o va Llama-3.1-405B ga ham raqobatlashadi.
Qwen 2.5-Max ning chiqish vaqti noodatiy edi. Uni Oy Yangi yilining birinchi kunida taqdim etish, Xitoyda dam olish kunlariga to‘g‘ri keldi. Bu vaqtni tanlash DeepSeek’ning tez rivojlanishiga javob sifatida qabul qilindi.
Alibabaga ko‘ra, Qwen 2.5-Max deyarli barcha global yetakchi modellardan yuqoriroq. OpenAI va Meta kabi gigantlarning eng ilg‘or modellaridan ham ustunlik ko‘rsatadi.
Qwen sun’iy intellekti yaratgan rasm
DeepSeek-V3 10-yanvarda chiqdi. R1 modeli esa 20-yanvarda taqdim etildi. Bu ikki chiqish Silikon vodiysini hayratga solgan edi. Ammo investorlar xarajatlar va foydalanish qiymatlari sababli shubhalanishni boshladi.
DeepSeek muvaffaqiyati mahalliy kompaniyalarni ham harakatga keltirdi. Masalan, TikTok egasi ByteDance ham o‘z AI modelini yangiladi. Uning yangilanishi Microsoft tomonidan qo‘llab-quvvatlanadigan OpenAI o1-dan ham yuqori natijalar ko‘rsatdi.
DeepSeek-R1 o‘zining murakkab testlardagi imkoniyatlarini isbotladi. OpenAI o1 bilan solishtirilganda bir necha ko‘rsatkichlarda yuqori ball to‘pladi.
Avvalroq Kursiv Uzbekistan DeepSeek Nvidiaʼning qiymatini $589 mlrdga tushirib yuborgani haqida xabar bergan edi.
