Redmi Turbo 4 MediaTek Dimensity 8400-Ultra protsessoriga asoslangan birinchi smartfon sifatida bozorga chiqib, OnePlus Ace 3V va Realme GT Neo6 SE kabi raqiblarini ortda qoldirdi. Ushbu yangi model o‘zining kuchli uskunaviy platformasi tufayli AnTuTu reytingining yuqori pog‘onasini egalladi.
Dimensity 8400-Ultra yagona chipli tizimi Qualcomm Snapdragon 7 Plus Gen 3’dan sezilarli darajada ustun bo‘lib, Redmi Turbo 4 ni flagmanga yaqin segmentidagi eng kuchli qurilmaga aylantirdi. Bu subflagman Android smartfonlari orasida 2025-yilning asosiy tanlovlaridan biri bo‘lishi kutilmoqda.
AnTuTu mutaxassislari ushbu chipning subflagman bozordagi imkoniyatlarini yuqori baholab, yaqin bir-ikki oy ichida ushbu platformaga asoslangan boshqa yangi modellarning chiqarilishi raqobatni kuchaytirishini ta’kidladilar. Ammo hozirgi kunga kelib, Redmi Turbo 4 bu segmentda tengsiz yetakchi bo‘lib qolmoqda.
Redmi Turbo 4 faqat kuchli texnik imkoniyatlari bilan emas, balki o‘zining subflagmanlar orasida yangi standartlar belgilashi bilan ham e’tiborga molikdir. Dimensity 8400-Ultra asosidagi yangi modellarning kelishi bilan bozorda qiziqarli o‘zgarishlar yuz berishi kutilmoqda.
Avvalroq Kursiv Uzbekistan Xiaomi to‘qqizta smartfon modeli uchun dasturiy qo‘llab-quvvatlashni to‘xtatgani haqida xabar bergan edi.
