Xalqaro yuk tashuvchilar uchun yangilik: ayrim ruxsatnomalar berish tartibi o‘zgardi

Milliy tashuvchilar bildirgan takliflarini inobatga olib, korxonalarga yanada kengroq imkoniyatlar, qulayliklar yaratish maqsadida ayrim davlatlarning xorijiy ruxsatnoma blankalarini berishda yangi tartib o‘rnatildi. Bu haqda Transport vazirligi ma’lum qildi.

Unga ko‘ra, Rossiya ruxsatnomalari – xalqaro tovar-transport yuk xati (CMR) asosida Ozarbayjon ikki tomonlama ruxsatnomalari – eksport deklaratsiyasi asosida amalga oshiriladi.

Polsha ikki tomonlama/tranzit ruxsatnomalari – yo‘nalish bo‘yicha ruxsatnoma blankalari mavjud bo‘lganda eksport deklaratsiyasi, u yerdan qaytish bo‘yicha xalqaro tovar-transport yuk xati (CMR) asosida arizaga biriktirgan holda;

Polsha universal ruxsatnomalari – yo‘nalish bo‘yicha ruxsatnoma blankalari mavjud bo‘lganda, xalqaro tovar-transport yuk xati (CMR) asosida beriladi;

Rossiya, Ozarbayjon, Xitoy, Polsha, Litva, Estoniya, Vengriya, Slovakiya, Italiya, Germaniya davlatlari ruxsatnomalaridan tashqari barcha davlat ruxsatnomalari asl nusxasini vazirlikka topshirish amaliyotidan voz kechildi va ularning elektron nusxasini «Е-avto ruxsatnoma» AATga yuklagan holda foydalanilganligi bo‘yicha tizimdan chiqariladi.

Eslatib o‘tamiz, avvalroq Toshkent – Andijon va Toshkent – Samarqand pullik yo‘llarini qurish 2025-yilda boshlashi haqida yozgan edik.