Yosh olimlar 10 yil muddatga foizsiz kredit olishlari mumkin bo‘ladi

Dunyoning nufuzli oliy o‘quv yurtlarida ilmiy daraja olgan o‘zbekistonliklar uy-joy uchun imtiyozli kreditlar olish imkoniyatiga ega bo‘ladilar. Bu haqda Shavkat Mirziyoyev yoshlar bilan muloqotda so‘zladi.

Unga ko‘ra, 10 yil muddatga foizsiz kreditlar 35 yoshgacha bo‘lgan yosh olimlarga beriladi. Kreditning maksimal miqdori 800 mln so‘mni tashkil etadi.

Bundan tashqari, prezident nufuzli xalqaro olimpiadalarda g‘olib bo‘lganlar uchun mukofotlar miqdorini besh baravar oshirishni e’lon qildi. Harbiy oliy o‘quv yurtlarining ajralib turadigan kursantlari uchun «Bosh qo‘mondon» davlat stipendiyasi joriy etiladi.

Ilmiy-populyar dasturlar yaratuvchilari O‘zbekiston yoshlar ishlari agentligidan 100 mln so‘mgacha grant olish imkoniyatiga ega bo‘lishadi. Yoshlar orasida ekologik masalalarni targ‘ib qilish maqsadida «Yashil tashabbuslarni qo‘llab-quvvatlash fondi» tashkil etiladi.

Eslatib o‘tamiz, avvalroq yoshlar biznesi va bandligi uchun $200 mln qanday taqsimlanishi haqida yozgan edik.