AQSh o‘zbek muhojirlarini Panamaga deportatsiya qildi

AQSh ikki davlat oʻrtasidagi kelishuv doirasida Panamaga turli millatga mansub 119 nafar muhojirni joʻnatgan. Bu haqda Panama prezidenti Xose Raul Mulino ma’lum qildi.

Deportatsiya qilinganlarni olib ketayotgan birinchi samolyot chorshanba kuni yetib keldi. Yoʻlovchilar orasida Afgʻoniston, Xitoy, Hindiston, Eron, Nepal, Pokiston, Shri-Lanka, Turkiya, Oʻzbekiston va Vyetnam fuqarolari bor. Yaqin kelajakda yana ikkita reys amalga oshirilishi kutilmoqda. Umuman olganda, Qo‘shma Shtatlar Panamaga 360 kishini jo‘natmoqchi.

Uyga qaytishdan oldin muhojirlar Qo‘shma Shtatlarga noqonuniy migratsiyaning mashhur yo‘nalishi bo‘lgan Darien o‘rmoni yaqinidagi boshpanaga joylashtiriladi.

Mulino avvalroq AQSh Davlat kotibi Marko Rubio bilan ko‘proq muhojirlarni deportatsiya qilish imkoniyatini muhokama qilgan edi. Panama va AQSh, shuningdek, Vashington hisobidan venesuelaliklar, kolumbiyaliklar va ekvadorliklarni vataniga qaytarish bo‘yicha kelishuvni kengaytirish masalasini ko‘rib chiqmoqda. Panama xavfsizlik vaziri o‘rinbosari Luis Icazaning so‘zlariga ko‘ra, AQSh bilan hamkorlik tufayli Darien orqali muhojirlar oqimi yanvar oyida o‘tgan yilga nisbatan 90 foizga kamaydi.

Avvalroq Kursiv Uzbekistan Myunxenda AQSh, Ukraina va Rossiya vakillari uchrashuvi o‘tkazilishi haqida xabar bergan edi.