Bekobodda 11,4 mlrd so‘mlik gaz o‘g‘riligi fosh etildi
eʼlon qilindi
Toshkent viloyatining Bekobod shahrida joylashgan «G‘.O.» MCHJ mansabdor shaxslari tomonidan tabiiy gazdan noqonuniy foydalanish holati aniqlandi. Bu haqda Bosh prokuratura ma’lum qildi.
Kompaniya vakillari gaz to‘ldirish kompresslash shoxobchasining o‘lchov qurilmalariga tashqi ta’sir o‘tkazish orqali 11,4 mlrd so‘mlik tabiiy gazni o‘zlashtirgan.
Mazkur holat yuzasidan kompaniya mansabdor shaxslariga nisbatan Jinoyat kodeksining 169-moddasi 4-qismi «a» bandi bilan jinoyat ishi qo‘zg‘atilgan.
Avvalroq Kursiv Uzbekistan Samarqandda mebel ustaxonasi noqonuniy mayning bilan shug‘ullangani haqida xabar bergan edi.
