Toshkentda premium ofislarga talab ortadi – CMWP
2025-yilda Toshkent ofislar boʻyicha koʻchmas mulk bozorining asosiy drayveri premium ofislar boʻladi. Bu haqda Commonwealth Partnership (CMWP) xalqaro kompaniyalar guruhi tahlilchilari ma’lum qildi (hisobot Kursiv Uzbekistanʼda mavjud).
CMWP prognoziga koʻra, bu yil Toshkent shahrida 137 ming kvadrat metr ofislar foydalanishga topshiriladi. Oʻtgan yillardagi keskin oʻsishdan keyin bozor biroz pasayishi mumkin.
2024-yilda A toifadagi ofislarni ijaraga olishning oʻrtacha narxi oyiga 1 kvadrat metr uchun $34,3 tashkil etdi (2023-yilga nisbatan 3,6 foizga koʻp). B toifali ofislar uchun shunga oʻxshash koʻrsatkich yil davomida 10,1 foizga oshdi va oyiga 1 kvadrat metr uchun $24 tashkil etdi.
CMWPʼga koʻra, 2024-yil oxirida poytaxtning A klass ofis koʻchmas mulk bozorida taklif hajmi 128 ming kvadrat metrni tashkil etgan. Tahlilchilar vakansiyalarning oʻsishini yangi joylarning ishga tushishi bilan bogʻlamoqda. Shunga qaramay poytaxtda hali ham o‘rtacha ta’mirlangan va moslashtirilgan ofis maydonlari talab qilinmoqda.
B klass ofislari taklifi hajmi BTSʼni hisobga olmaganda 344,7 ming kvadrat metrga yetdi. Yil oxirida boʻsh maydonlar hajmi 43,8 ming kvadrat metrni tashkil etdi.
Avvalroq Kursiv Uzbekistan 2025-yilda Toshkentda qancha savdo maydonlari qurilishi haqida yozgan edi.
