Misrda fir’avnga tegishliligi aytilayotgan qabr topildi

Misrlik va Buyuk britaniyalik olimlar Luksor shahri gʻarbida ilgari yoʻqolgan deb hisoblangan fir’avn Tutmos II qabrini topishdi. Bu haqda Misr turizm va qadimiy ashyolar vazirligi ma’lum qilmoqda, bu soʻnggi asrdagi birinchi ahamiyatli topilmadir.

Dastlab C4 deb nomlangan qabrning birinchi izlari 2022-yilda aniqlangan. Biroq dastlab u hukmdorlardan birining xotiniga tegishli ekanligiga taxmin qilingan edi. Endi esa olimlar Tutmos II dafn etilgan joyni koʻrsatadigan yozuvni topishdi. Bu 1922-yilda afsonaviy Tutanxamonning dafn etilgan xonasi kashf qilinganidan keyingi aniqlangan birinchi fir’avn qabridir.

Tutmos II miloddan avvalgi 1492-yildan 1479-yilgacha hukmronlik qilgan. U Misr fir’avnlarining 18-sulolasiga mansub.

Kursiv Uzbekistan nashri ikki yil avval Xeops piramidasidan yashirin oʻtish joyi topilganini yozgan.