25-fevral kuni qanday ob-havo kuzatiladi

O‘zbekistonning ko‘plab hududlarida biroz bulutli ob-havo kuzatiladi. Bu haqda «O‘zgidromet» agentligi ma’lum qildi.

Unga ko‘ra, Toshkentda vaqti-vaqti bilan yomg‘ir yog‘ib, kechga borib qorga aylanishi mumkin. Havo harorati kechasi 5-7°, kunduzi 11-13° iliq bo‘ladi.

Qoraqalpog‘iston va Xorazmda ayrim hududlarda qor yog‘ishi, shamolning 15-20 m/s gacha kuchayishi kutilmoqda. Harorat kechasi 4-9° sovuq, kunduzi 3° sovuq-2° iliq atrofida bo‘ladi.

Buxoro va Navoiy viloyatlarida yomg‘ir va qor yog‘ishi ehtimoli bor. Shamol ba’zi joylarda 15-20 m/s gacha kuchayishi mumkin. Harorat kechasi 0-5° iliq, kunduzi 2-7° iliq bo‘lishi kutilmoqda.

Toshkent, Sirdaryo, Samarqand va Jizzax viloyatlarida yomg‘ir yog‘ib, ayrim joylarda qorga aylanishi mumkin. Shamol 23-25 m/s gacha kuchayishi ehtimoli bor. Harorat kechasi 2-7° iliq, kunduzi 8-13° iliq bo‘ladi.

Qashqadaryo va Surxondaryoda ham yomg‘ir yog‘ib, ayrim joylarda qorga aylanishi mumkin. Shamol 23-25 m/s gacha kuchayishi kutilmoqda. Harorat kechasi 2-7° iliq, kunduzi 8-13° iliq bo‘ladi.

Andijon, Namangan va Farg‘onada kechqurun biroz yomg‘ir yog‘ishi mumkin. Harorat kechasi 5-10° iliq, kunduzi 12-17° iliq bo‘lishi kutilmoqda.

Tog‘li hududlarda yomg‘ir va qor yog‘ishi, ba’zi joylarda tuman tushishi mumkin. Harorat kechasi 0-5° iliq, kunduzi 3-8° iliq bo‘ladi.

Shamol kuchayishi va yog‘ingarchilik sababli ehtiyot choralarini ko‘rish tavsiya etiladi.