Samarqand va Krasnoyarsk oʻrtasida toʻgʻridan toʻgʻri havo qatnovi yoʻlga qoʻyildi. Bu haqda Air Marakand Kursiv Uzbekistan’ga ma’lum qildi.
1-apreldan boshlab Ural Airlines aviakompaniyasi Krasnoyarsk – Samarqand – Krasnoyarsk yoʻnalishi boʻyicha parvozlarni amalga oshiradi.
Mazkur yoʻnalish boʻyicha parvozlar haftada bir marta – seshanba kunlari amalga oshiriladi. Parvozlar quyidagi jadval asosida amalga oshiriladi:
- Krasnoyarskdan joʻnab ketish soat 11:40 da, Samarqandga yetib kelish soat 13:40 da.
- Samarqanddan joʻnab ketish soat 15:00 da, Krasnoyarskka yetib kelish soat 20:35 da.
Yangi yoʻnalishning ochilishi turizmni mustahkamlashga va hududlar oʻrtasidagi biznes aloqalari, yoʻlovchilarga qulay sharoitlarni ta’minlashga yordam berishi kutilmoqda.
Eslatib oʻtamiz, Samarqand aeroporti 2024-yilda yoʻlovchi oqimi boʻyicha rekord qayd etgani haqida yozgan edik.
