Xiaomi bosh direktori Ley Jun Weiboʻdagi sahifasida kelajakdagi Xiaomi 15 Ultra flagmanining birinchi rasmiy renderini e’lon qildi.
Smartfon qora va oq rang kombinatsiyasida taqdim etilgan. Asosiy kameraning katta bloki Leica yozuvi bilan bezatilgani aytilmoqda.
Oʻtgan yakshanba kuni Ley Jun Xiaomi 15 Ultra yutuq smartfon boʻlishini yozgan va narxi 6000 yuandan (taxminan 830 dollar) oshib ketishini taqdim qilgan edi. Avvalroq taniqli insayder Digital Chat Station qurilma kamerasining batafsil xususiyatlarini ochib bergan edi.
Xiaomi 15 Ultra Qualcomm Snapdragon 8 Elite SoC, 2K oʻlchamli ekran va 6000 mA/soat batareya bilan ta’minlangan. Agar yangi mahsulotning kichik premyerasi 27-fevralda boʻlib oʻtadigan boʻlsa, keng ommaga e’lon qilinishi 2-mart kuni kutilmoqda.
Eslatib oʻtamiz, Samsung Galaxy S21, Galaxy S21 Plus, Galaxy S21 Ultra, Galaxy S24 FE va Galaxy A73 smartfonlari uchun muhim yangilanishni chiqargani haqida yozgan edik.
