8-mart — Xalqaro xotin-qizlar bayrami yaqinlashmoqda. Kursiv Uzbekistan Toshkentdagi gul doʻkonlaridagi narxlarni oʻrganib chiqdi.
Ushbu maqoladan quyidagilarni bilib olasiz:
Toshkentdagi gul doʻkonlarida buket narxi qancha?
Guldastani qanday xilma-xil qilish mumkin
Gul xarid qilishda nimalarga eʼtibor berish kerak
Buket narxi qancha
Hey Flowers gul doʻkonida anʼanaviy bezatilgan buket narxi 300 ming soʻmni tashkil qiladi.
Gortenziyadan tayyorlangan kompozitsiya xaridorga 650 ming soʻmga tushadi.
Xuddi shu doʻkonda atirgul buketini 500 ming soʻmga xarid qilish mumkin.
Shuningdek, Hey Flowers’da loladan ham buket tayyorlash mumkin. Buning uchun har bir gulga 25 ming so‘mdan to‘lash kerak.
Love Flowers do‘konida «Nafis miks» va «Sevgi qanotlari» kompozitsiyalarining narxi 450 ming so‘mdan boshlanadi.
«Kompliment» va «Miks» savatchasidagi gul 500 ming so‘mdan sotilmoqda.
Lolaning narxi qancha
Kursiv Uzbekistan muxbiri Xalqaro xotin-qizlar kunida eng koʻp talab qilinadigan gul — lolaning narxlari bilan ham qiziqib ko‘rdi.
Bir dona lolaning narxi:
- Korzinka — 15 ming soʻm;
- Fiona — 19 ming soʻm;
- Florencia Tashkent va Gullar dastavka — 20 ming soʻm;
- City Flowers — 30 ming soʻm.
Lekin kim ham lolani bir dona berardi? Bitta gul uchun eng arzon buketni Toshkent Gullari doʻkonidan xarid qilish mumkin. 25 ta loladan iborat guldasta 275 ming soʻmga, yaʼni har bir lola uchun 11 ming soʻmga tushadi.
Atirgulning narx qancha
Atirgul — har qanday bayramga mos keladigan universal gul. Shuning uchun uning ham narxini keltirib o‘tamiz.
Love Flowersʼda 51 dona atirgul 1,5 mln soʻm, 101 dona atirgul esa 2,5 mln soʻmni tashkil qiladi. Mashhur «Qizil atirgul» buketining narxi 450 ming soʻmdan boshlanadi.
Joflowersʼda 51 dona qizil atirgulni 4–4,5 mln soʻmga xarid qilish mumkin, golland atirgullari esa taxminan 5,3 mln soʻmga sotilmoqda.
Euroflowers 51 dona atirgulni deyarli 2,3 million soʻmga, Fiona Flowers esa 1,9 million soʻmga taklif qilmoqda.
Kakdelaʼda xuddi shunday minimal bezakli guldasta 2,5 million soʻmga taklif etilmoqda.
Guldastani qanday xilma-xil qilish mumkin
The Lux Box’da yoqimli narsalarni mazali narsalar bilan uyg‘unlashtirishni taklif qilmoqda. Qulupnaydan tayyorlangan guldasta 430 ming so‘mga tushadi. Miqdoriga qarab 1,15 mln so‘mgacha bo‘lishi mumkin.
Pushti va sariq rangda bezatilgan shokolad guldastasi 850 ming soʻmdan, rang-barang guldasta esa 550 ming soʻmdan sotilmoqda.
Xilma-xillik uchun The Lux Boxʼda 790 ming soʻmga mualliflik quti shirinliklarini ham xarid qilish mumkin.
Gul xarid qilishda nimalarga eʼtibor berish kerak
Gul xarid qilishda guldasta bezagi narxga ta’sir qilishini unutmaslik kerak. Tasmalar, gulbarglar, bantlar va boshqa aksessuarlar qo‘shimcha xarajat talab qiladi. Bayram arafasida guldastani oldindan buyurtma qilish tavsiya etiladi, bu nafaqat gullar narxini, balki mutaxassis ishi va bezatish uchun kerakli materiallarni ham oldindan kelishib olish imkonini beradi.
Bundan tashqari, baʼzi gullar yoki sovgʻalar bayramdan oldin ham sotilishi mumkin.
Mutaxassislarning ta’kidlashicha, odatda gul do‘konlari bayram oldidan mahsulotlarga chegirmalar joriy etadi, biroq aynan 8-mart kuni guldastalar narxi oshishi mumkin. Bunga sovg‘alarga bo‘lgan yuqori talab va ta’minotchilarning mahsulotni qimmatroq sotishga intilishi sabab bo‘ladi.
