O‘zbekistonning Andorradagi birinchi elchisi tayinlandi

O‘zbekiston elchisi Farrux Tursunov Andorra knyazligi hamraisi, Fransiya prezidenti Emmanuel Makronga ishonch yorliqlarini topshirdi, deya xabar bermoqda «Dunyo» axborot agentligi.

Fransiya yetakchisi Oʻzbekiston bilan ikki tomonlama hamkorlikni mustahkamlash muhim vazifa ekanini alohida taʼkidlagan. U elchining professional diplomatik mahorati mamlakatlar oʻrtasidagi munosabatlarni rivojlantirishga katta hissa qoʻshishiga ishonch bildirgan.

«Biz Oʻzbekiston bilan doʻstona aloqalarni mustahkamlashga katta ahamiyat qaratamiz va barcha sohalarda hamkorlikni kengaytirishga tayyormiz», – dedi u.

Ma’lumot uchun, ikki davlat oʻrtasidagi diplomatiya 2009-yilda oʻrnatilgan.

Farrux Tursunov bir vaqtning oʻzida Oʻzbekistonning Ispaniyadagi elchisi ham hisoblanadi. U 2024-yil 9-aprel sanasida Ispaniya Qiroli Filipp VI ga ishonch yorliqlarini topshirgan.

Eslatib oʻtamiz, Kursiv Uzbekistan xorijiy davlatlarning yangi tayinlangan elchilari ishonch yorliqlarini topshirgani haqida yozgan edi.