Fransiya kompaniyasi O‘zbekistonda yashil energetikani rivojlantirishga yordam beradi

Fransiyaning Voltalia energetika kompaniyasi Oʻzbekistondagi yashil energiya klasteri uchun elektr energiyasini sotadi. Bu haqda kompaniya matbuot xizmati xabar berdi.

Voltalia Oʻzbekistonning «Oʻzenergosotish» kompaniyasi bilan shartnoma imzoladi. Hujjat 25 yilga moʻljallangan boʻlib, quyosh va shamol elektr stansiyalari hamda akkumulyatorlar uchun elektr energiyasini sotish imkonini beradi. Loyiha 2,5 million aholini elektr energiyasi bilan ta’minlaydi.

Batareyalar va quyosh elektr stansiyasi qurilishi 2026-yilning birinchi choragida, shamol elektr stansiyasi esa oʻsha yilning uchinchi choragida boshlanadi.

Bungacha Voltalia Oʻzbekiston bilan 500 MVt/1 GVt quvvatga ega elektr energiyasini saqlash loyihasi va Toshkent viloyatida birlashgan energiya tizimini ishga tushirish boʻyicha shartnomalarni imzolagan edi.

Eslatib oʻtamiz, Kursiv Uzbekistan nashri Oʻzbekiston va Fransiya oʻrtasida tovar ayirboshlash hajmi 14 foizga oshgani haqida yozgan edi.