Oʻzbekiston mudofaa budjeti boʻyicha Markaziy Osiyoda yetakchi
Oʻzbekiston Markaziy Osiyo mamlakatlari orasida mudofaa budjeti boʻyicha $2,8 mlrd bilan birinchi oʻrinni egalladi. Bu haqda Global Firipowerning (GF) 2025-yilgi hisobotida ma’lum qilindi.
Global mudofaa sharhida qayd etilishicha, Oʻzbekiston mudofaa budjeti $2,8 mlrd bilan Myanmadan ($2,94 mlrd) keyingi, 63-oʻrinni qayd etgan.
Markaziy Osiyo davlatlarining mudofaa budjeti bilan quyidagi jadvalda tanishing.
| Davlat nomi | Mudofaa budjeti | GF budjetidagi o‘rni |
| Oʻzbekiston | $2,8 mlrd | 63 |
| Qozogʻiston | $2,04 mlrd | 72 |
| Turkmaniston | $1,1 mlrd | 86 |
| Tojikiston | $446 mln | 108 |
| Qirgʻiziston | $221 mln | 130 |
GF taqdim etgan ma’lumotga koʻra, mudofaa budjeti eng yuqori boʻlgan top beshta mamlakat – AQSh ($895 mlrd), Xitoy ($267 mlrd), Rossiya ($126 mlrd), Hindiston ($ 75 mlrd) va Saudiya Arabistoni ($74 mlrd).
Oʻzbekistonning 2025-yilgi harbiy salohiyati 145 davlat ichida Qozogʻistondan (57) keyingi 58-oʻrinni egallagan.
Eslatib oʻtamiz, Kursiv Uzbekistan nashri harbiy xizmatchilar uchun toʻlanadigan kompensatsiyalar miqdori oshirilishi haqida yozgan edi.
