Navroʻz bayrami — Markaziy Osiyo, Yaqin Sharq, Kavkaz mamlakatlarining anʼanaviy bahor bayrami hisoblanadi. Mamlakatimizda ham 21-mart kuni mazkur bayram keng nishonlanadi. Navroʻzda dasturxon yozilib, oila aʼzolari bilan yigʻilish odat tusiga kirgan. Kursiv Uzbekistan toʻrt kishiga moʻljallangan bayram dasturxoni necha pulga aylanishini hisoblab chiqdi.
Bizning bayram taomnomamiz:
- Salatlar, mevalar, tamaddilar
- Sumalak, nisholda va boʻgʻirsoq
- Shirinlik va ichimliklar
- Osh va qozon kabob
- Mangal yoki qozon kabob
- Lagʻmon
Salatlar, mevalar, tamaddilar: dasturxonni nimalar bilan bezash mumkin
Salat uchun bahoriy sabzavotlardan tayyorlangan salatni tanlash mumkin. U uchun bodring, pomidor, bulgʻor qalampiri va piyoz xarid qilamiz. Hammasidan bir kilogrammdan olamiz. Narxlar:
- bodring — 21 ming soʻm;
- pomidor — 27,5 ming soʻm;
- bulgʻor qalampiri — 27,5 ming soʻm;
- piyoz — 2,2 ming soʻm.
Shuningdek, besh ming soʻmlik koʻkat qoʻshamiz. Hammasi boʻlib, 83,2 ming soʻm boʻladi. Ushbu sabzavotlardan Achchiq-chuchuk va shakarob ham tayyorlash mumkin.
Bu bilan birga, Marinelle tuzlangan bodringini (1 ml) Korzinka supermarket tarmogʻidan 20,4 ming soʻmga xarid qilish mumkin. Yarim kilogramm achchiq koreys kimchisi — 42,9 ming soʻmni tashkil qiladi.
Iqtisodiyot va moliya vazirligining maʼlumotlariga koʻra, Food Cityʼda 1 kilogramm olma oʻrtacha 14,5 ming soʻmdan, nok 22 ming soʻmdan, mandarin 19 ming soʻmdan, banan 16,5 ming soʻmdan sotilmoqda. Bular uchun jami — 72 ming soʻm kerak boʻladi.
Anʼanaviy Navroʻz taomlari: sumalak, nisholda va boʻgʻirsoq
Navroʻzda sumalak, nisholda va boʻgʻirsoq dasturxonga tortiladi. Bozorlarda bir litr sumalakning oʻrtacha narxi 25 ming soʻmni tashkil qilsa, bir litr nisholda narxi esa 26 ming soʻm atrofida.
Boʻgʻirsoq tayyorlash uchun quyidagilar kerak boʻladi:
- un (Oila Tanlovi bir kg — 6,9 ming soʻm);
- sut (1 litr — 7 ming soʻm);
- sariyogʻ (1 kg sariyogʻ — 40 ming soʻm atrofida);
- xamirturush (5 ming soʻm);
- Jami — 58,9 ming soʻm.
Shuningdek, toʻrtta non ham sotib olish kerak, ularning narxi taxminan 5 ming soʻmdan. Non, sumalak, nisholda va boʻgʻirsoq umumiy 129,9 ming soʻmga tushadi.
Qanday shirinliklar sotib olish mumkin va ichimliklarning narxi qancha
Korzinkada «Assorti chizkeyk» pishirigʻining 650 grammi 104,9 ming soʻmdan, «Soliyev» qandolatchilik uyining pishiriq assortimentlari ham mavjud boʻlib, ularning bir kilogrammi 61,9 ming soʻmdan sotilmoqda.
MilkaWay Mini konfetining kilogrammi 115,9 ming soʻm, Mars — 119,9 ming soʻm, «Zolotaya step» — 85,9 ming soʻm.
Ichimlikdan Coca-Cola — 2 litr 17,4 ming soʻm, fanta 1,5 litr — chegirma bilan 11,9 ming soʻm yoki bir litr sprayt — 9,9 ming soʻm. Nestle Santal mineral suvining 1,5 litri chegirma bilan 3,4 ming soʻm turadi.
Shirinlik va ichimliklar narxining umumiy 531,1 ming soʻmni tashkil etadi.
Osh va qozon kabob tayyorlash qanchaga tushadi
Milliy statistika qoʻmitasi hisob-kitoblariga koʻra, Toshkent shahrida 1 kg osh tayyorlash uchun zarur boʻlgan mahsulotlarning umumiy qiymati qariyb 103,8 ming soʻmni tashkil etadi.
Qoʻmita hisob-kitoblariga quyidagilar kiritildi:
- 700 gr mol goʻshti (64,2 ming soʻm);
- 0,3 l kungaboqar yogʻi (6,5 ming soʻm);
- 300 gr piyoz (991 soʻm);
- 1 kg sabzi (5,2 ming soʻm);
- 1 kg guruch (23,1 ming soʻm);
- 100 gr noʻxat (2,5 ming soʻm);
- 10 gr zira (1 ming soʻm);
- 20 gr tuz (67 soʻm).
Shu bilan birga, koʻrsatilgan miqdorda mahsulotlarning baʼzilarini, masalan, zira va tuzni sotib olish ehtimoli kam. Shuning uchun oʻz hisob-kitoblarimizni keltiramiz.
Iqtisodiyot va moliya vazirligining maʼlumotlariga koʻra, poytaxtdagi Food City bozorida piyoz oʻrtacha 2,2 ming soʻm, guruch 19 ming soʻm, noʻxat 23,5 ming soʻmdan sotilmoqda.
1 kg taomga yetarli zira va tuzni 10 ming soʻmgacha boʻlgan narxda xarid qilish mumkin. 1 litr kungaboqar yogʻi taxminan 22 ming soʻm turadi.
Bozorlarda 1 kg suyaksiz mol goʻshti 110 ming soʻm atrofida sotilmoqda. Barcha mahsulotlarni qoʻshib hisoblasak, 186,7 ming soʻm chiqadi.
Shunday qilib, agar mahsulotlarni Milliy statistika qoʻmitasining retsepti boʻyicha qatʼiy xarid qilsak, 103,8 ming soʻm sarflaymiz. Ortiqcha mahsulotlarni ham hisobga olsak, osh 186,7 ming soʻmga tushadi.
Qozon kabob uchun quyidagilarni xarid qilish kerak:
- 2 kg kartoshka (10 ming soʻm);
- 2 kg mol goʻshti (220 ming soʻm);
- 1 kg sariyogʻ (taxminan 40 ming soʻm);
- 0,5 kg dumba (60 ming soʻm);
- Taom taxminan 330 ming soʻmga tushadi.
Mangal yoki qozon kabob: qaysi birini tanlash kerak
Kabob oddiy, ammo mazali taom. Ikkita variantni tanlash mumkin — mangalda va qozonda.
Avvalo, 2 kg mol goʻshti va yarim kg dumba sotib olish kerak. Goʻsht 280 ming soʻmga tushadi. Olma sirkasini 16 ming soʻmdan, marinadlanganini 15 ming soʻmdan, piyozni 2,2 ming soʻmdan xarid qilish mumkin.
Uzum Marketʼda 1 kg koʻmir 21 ming soʻmdan sotilmoqda. Quruq qayin oʻtinlari vaqtinchalik chegirma bilan 161 ming soʻmni tashkil qiladi.
Qozonda qovurish uchun taxminan 17 ming soʻmlik bambuk naychalari va 40 ming soʻmlik 1 kg sariyogʻ kerak boʻladi.
Mangalda pishirilgan kabob — 495,2 ming soʻm, qozonda pishirilgani — 370,2 ming soʻmga aylanadi.
Lagʻmon tayyorlashga qancha qancha xarajat ketadi
Korzinkada lagʻmoni uchun 0,5 kg Muso xamiri 9,9 ming soʻmdan sotilmoqda. Bizga 1 kg kerak boʻladi.
Taom uchun quyidagilarni ham xarid qilish kerak:
- 1 kg mol goʻshti (110 ming soʻm);
- 1 kg kartoshka (5 ming soʻm);
- 1 kg sabzi (3,7 ming soʻm);
- 1 kg koʻk turp (3,7 ming soʻm);
- Jami 142,2 ming soʻm boʻladi.
