O‘zbekistonda Temu marketpleysi rasman bloklandi
eʼlon qilindi
( yangilandi)
Sayt ishlamay qoldi
Xitoyning Temu platformasi O‘zbekistonda rasman bloklandi. Bu haqda ILMA matbuot kotibi Dilnoza Sobirova Kursiv Uzbekistan muxbiriga ma’lum qildi.
18-mart kuni Temu marketpleysi yuridik shaxs sifatida ro‘yxatdan o‘tib, O‘zbekiston Respublikasi rezidenti statusiga ega bo‘lgandi.
Shuningdek, platforma faoliyati 20-martdan cheklanishi haqida Istiqbolli loyihalar milliy agentligi (ILMA) xabar berdi. Sababi yuridik shaxs sifatida ro‘yxatdan o‘tgunga qadar bo‘lgan davrda platforma tomonidan soliqlar to‘lanmagan.
Hozirda sayti ochilmayapti, ilovasida esa uzilishlar kuzatilmoqda.
Avvalroq Kursiv Uzbekistan Temu endi bloklanmasligi mumkinligi haqida yozgandi.
