Qishloq xo‘jaligi sohasida «E-urug‘» platformasi yaratildi

Qishloq xo‘jaligi ekinlari urug‘larini yetishtirish huquqini qo‘lga kiritish uchun tanlovlarni tashkil etish va o‘tkazishga mo‘ljallangan «E-urug‘» tizimi yaratildi. Bu haqda Vazirlar Mahkamasi qarori e’lon qilindi.

Mazkur tizimda o‘tkaziladigan tanlovlar haqida e’lonlar besh kun oldin platformada va OAVda e’lon qilinadi. Ishtirokchilar onlayn ariza topshiradi.

Tanlovda paxta va boshqa ekinlar uchun qabul 19 – 25-mart kunlari, g‘alla uchun esa 15-iyul va 5-avgust kunlari bo‘lib o‘tadi. Hujjatlarni qabul qilish muddati tugagach bir ish kuni ichida tanlov bo‘ladi. G‘oliblar besh ish kuni ichida aniqlanib, ularga QR-kodli protokol taqdim etilgach «E-urug‘» tizimida e’lon qilinadi.

Mazkur qaror milliy qonunchilik bazasida e’lon qilinib, 19-martdan kuchga kirdi.

Avvalroq Kursiv Uzbekistan deputatlar qishloq xo‘jaligidagi tavakkalchiliklarni sug‘urtalashga oid qonunni qabul qilgani haqida yozgandi.