BYD kompaniyasi Mercedes-Benz GLS, BMW X7, Aito M9 va Li Auto L9 kabi yuqori darajadagi modellarga raqobatlashishga moʻljallangan Denza N9 modelini taqdim etdi. Bu haqda ITHome nashri xabar bermoqda.
Modelning narxi Xitoy bozorida $54 mingdan boshlanib, yuqori sifat va imkoniyatlarni taqdim etadi.
Denza N9 ning tashqi koʻrinishi toza va kvadrat dizayn bilan ajralib turadi. Tor faralar, yopiq panjara, oʻrnatilgan eshik tutqichlari va sariq rangga boʻyalgan kaliperlar avtomobilning tashqi koʻrinishini yanada jozibali qiladi.
Ichki dizayn esa yuqori qulayliklar bilan boyitilgan. U uchta katta ekran, koʻp funksiyali rul va Devialet audiotizimi bilan jihozlangan. Avtomobilda smartfonlar uchun ikkita simsiz zaryadlovchi, shiftdagi displey va panoramali tom mavjud.
Denza N9 ning texnik xususiyatlari ham juda kuchli. U plaginli gibrid tizimga ega. U 2,0 litrli turbo dvigatel va uchta elektromotordan iborat. Umumiy quvvat 680 kVt (924 ot kuchi) ga yetadi. Uning elektr masofasi esa 200 km ni tashkil etadi. Maxsus versiyada DJI AIR3S droni mavjud boʻlib, bu dron tez zaryadlash funksiyasiga ega.
Denza N9 yuqori texnologiyalar, zamonaviy dizayn va arzon narxning mukammal kombinatsiyasini taqdim etadi. Bu esa uni oʻz sinfida jozibali va raqobatbardosh variantga aylantiradi.
Eslatib oʻtamiz, Kursiv Uzbekistan nashri BYD kompaniyasi oʻzining yangi BYD Tang L EV krossoverini taqdim qilgani haqida yozgan edi.
