Huawei kompaniyasi o‘zining navbatdagi buklanadigan smartfoni – Pura X modelini rasman namoyish qildi. Ushbu qurilma o‘ziga xos 16:10 tomonlar nisbati bilan ajralib turib, video va tasvirlarni ko‘rish sifatini sezilarli darajada yaxshilaydi. Bu haqda ITHome nashri ma’lum qildi.
Huawei Pura X ichki ekrani 6,3 dyuym, 2120 × 1320 pikselli o‘lcham va 120 Gts gacha yangilash tezligi bilan ta’minlangan. Maksimal yorqinlik 2500 nit bo‘lib, foydalanuvchilarga har qanday yorug‘lik sharoitida qulay ko‘rish imkonini beradi. Shuningdek, 3,5 dyuymli tashqi displey ham mavjud bo‘lib, u qo‘ng‘iroqlar, xabarlar, QR kodlar va navigatsiya ma’lumotlarini aks ettirish uchun ishlatiladi.
Pura X 4720 mA/soat sig‘imli akkumulyator bilan jihozlangan bo‘lib, 66 Vt tezkor simli va 40 Vt tezkor simsiz zaryadlash texnologiyasini qo‘llab-quvvatlaydi. Qurilma IPX8 sertifikati tufayli 2 metr chuqurlikdagi suvga bardosh bera oladi.
Huawei Pura X to‘rtta asosiy kamera bilan jihozlangan:
- 50 MP asosiy sensor (F/1.6 diafragma)
- 40 MP ultra keng burchakli kamera (F/2.2 diafragma)
- 8 MP periskop kamera (80 mm EGF linza)
- Ranglarni yaxshilovchi spektr kamerasi
- Old kamera – 10,7 MP
Pura X HarmonyOS 5 tizimida ishlovchi ilk smartfon hisoblanadi. U yangi Xiaoyi AI yordamchisi bilan ta’minlangan bo‘lib, foydalanuvchi his-tuyg‘ularini tushunish, videolarni keshlash va filmlar yaratish kabi funksiyalarni bajara oladi. Bundan tashqari, Tiantong sun’iy yo‘ldosh aloqasi orqali smartfon signal mavjud bo‘lmagan hududlarda ham ishlay oladi.
Huawei Pura X quyidagi versiyalarda sotuvga chiqadi:
12 GB + 256 GB – 7 499 yuan ($1030)
16 GB + 512 GB (kollektor nashri) – 8 999 yuan ($1240)
16 GB + 1 TB (kollektor nashri) – 9 999 yuan ($1380)
Oldindan buyurtmalar allaqachon ochilgan, rasmiy sotuv esa 30-martdan boshlanadi.
Avvalroq Kursiv Uzbekistan Huawei Stelato S9 EREV taqdim etilgani haqida xabar bergan edi.
