Honor kompaniyasi yangi Pad X9a modelini taqdim etdi, bu o‘zining ingichka metall korpusi va yuqori sifatli ekranga ega bo‘lishi bilan ajralib turadi. Uning narxi hozircha e’lon qilinmagan, ammo texnik xususiyatlaridan kelib chiqib, arzon narxda bo‘lishi kutilmoqda.
Planshetda Snapdragon 685 chipi va 8 GB RAM mavjud. Ekrani 11,5 dyuymli IPS, 2508×1504 piksel rezolyutsiyasiga ega va 120 Hz yangilanish tezligini qo‘llab-quvvatlaydi.
Shuningdek, 8 MP kamerasi, 8300 mAh akkumulyatori, 35 vatli zaryadlash imkoniyati, Wi-Fi 5 va to‘rtta dinamik mavjud. Honor Pad X9a ning o‘lchamlari 267 x 167 x 6,8 mm, og‘irligi esa 475 grammni tashkil etadi.
Avvalroq Kursiv Uzbekistan 2024-yildagi Xitoyning eng yaxshi besh smartfonlaridan biri Honor Magic 6 Pro haqida xabar bergandi.
