«Open budjet»ning birinchi bosqichida 2,3 mingdan ortiq loyihalar g‘olib bo‘ldi

«Tashabbusli budjet» jarayonining 2025-yilgi birinchi mavsumida 2 396 ta loyiha g‘olib bo‘ldi. Bu haqda Iqtisodiyot va moliya vazirligi xabar berdi.

Bu bosqichda butun respublika bo‘ylab fuqarolar tomonidan jami 10 mln 450 mingta ovoz berilgan. Yakuniy natijalarga ko‘ra, g‘olib deb topilganlarga 3,2 trln so‘m mablag‘ ajratilgan.

G‘olib loyihalar bilan quyidagi havola orqali tanishish mumkin.

Avvalroq ijtimoiy tarmoqlarda Farg‘ona viloyatining Quva tumanidagi 37-maktabda o‘qituvchilar oyligidan ovoz berish uchun 700 ming so‘mdan ushlab qolinayotgani haqida xabar berilgandi.

«Kursiv» nashri Iqtisodiyot va moliya vazirligi majburiy ovoz berish holatlari kuzatilgan loyihalar jarayondan chetlashtirilishi haqida xabar berganini yozgandi.